Aaj fir ye kalam utha raha hu,
Dard dil ka likhe ja raha hu.
Hosh na rahe zindagi ka hume,
Aise nashe ka jaam piye ja raha hu.
Dard bhi rahe humse khafa,
Kuch aise gille kiye ja raha hu.
Pyaar ke guldasto ki mehak se me,
Apne dil ko kahi door liye ja raha hu.
Waadein kiye the jo unho ne,
Un yaado ko raaho me dafnaye ja raha hu.
Bewafai me bhi unke,
Thodi si wafa dhundte ja raha hu.
Majboori rahi hogi unki bhi,
Yahi soch apne dil ko behlaay ja raha hu.
Fir kabhi na kisi se dil lagana,
Yahi seekh aaj liye ja raha hu.
Shabdo ko sahara le raha hu,
Ye haal-e-dil sunaye ja raha hu.
Aaj fir ye kalam utha raha hu,
Dard dil ka likhe ja raha hu.
No comments:
Post a Comment